www.tahari.ch

IMG_2410

Mir wäre gärn vo Esperance ar Küschte nah uf Perth gfahre, es si aber all Strasse überschwemmt gsi u hei wieder müesse umchehre und si über Kalgoorlie richtig Perth gfahre. Mir si bis Kellerberrin gfahre u hei dert ä schöne u sehr guete Campingplatz gfunge.

Am Morge ghörtme geng so schön Gsäng vode Magpies und de angere 🇦🇺Vögu, eifach wunderschön!

Leider isch z’Wätter gengno rägnerisch u isch scho die letschte Wuchene hie nid guet gsi. Es het sehr viel grägnet u drum isch viel überschwemmt gsi. Es angers Bild woni mir vo dere Gägend nid gwöhnt bi -um die Jahreszyt brönnts viel i dere Umgäbig. Mir si gliich bis zum Cape le Grand Nt.Park gefahre – da d’Wätterprognose für die nächschte Täg nid besser hei usgseh. Es Paradies mit dene wunderschöne Stränd! Da chömme mir nomau häre wede d’Sunne da isch…iiiirgenteis ide nächschte Jahr😉

Ufemne Parkplatz ar Küschte heimers gschafft dr Schlüssu im Outo iizbschliesse…mitgno heimer nume dr Föteler und üsi Natel – aber „kein Netz “ – hätte also niemerem chönne zur Hilf hole. Jedes Fänschter isch zue gsi u Türe heimer keni umbracht. Nach es paar Minute studiere heimer de d’Lösig gfunge 😆 Die erkenntme ja tiptop uf de Fotos. Mir hei Freud gha u gliich heimer üs i däm Momänt aagluegt u gmerkt wie schnäll me eigentlech i das Outo innechiemt …😳

 

 

 

Am Morge heimer nochli bewölkt gha, drum isches agnähm gsi zum fahre u die verschiednige wunderschöne Beaches ga z’luege. Üse Plan: nochli umgefahre u Gägend aaluege und üs de am nächschte Tag (bi 44Grad) chli in Ceduna stillha u d’Wärmi gniesse – ämu ig💕☀️

Wär weiss was das für gälbi Blüemli si bide Murphy’s Haystacks? 😁 Mir hei die scho vorher immer wieder gseh, u mi hetz ab & zue dünkt es schmöcki nach Salat..🤣

Murphy’s Haystacks sie Granitfelse wo über 1,5 Milliarde Jahr alt geschätzt wärde. Gseht lustig us – paar Felse ufemne Fäld u rundum eifach nüd.    Streaky Bay isch dr einzig Ort ar Weschtküschte vo Eyre Peninsula wo es richtigs Stadtzentrum mit Läde het. Rundum hetz vieli Getreidefarme und Fischereibetriebe wo froh si um das – süsch müesste sie paar 100km nach Port Lincoln oder Ceduna fahre.                      Perlubie Beach isch ä Strand u glichzitig ou ä wild Campsite  – eifach ä Troum! Wiesse Sand, ändlose Strand, Schattedecher, keiner Lüt, Toilette…alles wome zum Campe bruucht. Z’Dörfli sälber gitz äue nonid  lang..überall chame Land oder  Hüsli choufe u Grössi vom Dorf isch no sehr überschoubar.              Im Lotto gewinne wär iz ke Seich 😍🇦🇺

In Ceduna heimer bereits scho rächt heiss gha u si drum gärn is Foodland chli ga Klimaalag gniesse, glüschtele wases alles so git u iichoufe – so heimer am Aabe sones richtigs feines Barbie chönne mache 🍖🥗🍺

Vom Camp-Dokter us ab uf d’Strass ar Küschte nah ga die angeri Site vo Eyre Peninsula ga aaluege.

 

In Port Lincoln isch bi üs z’Stromkabu ufzmau nümm gange, drum heimer am Mäntigmorge vo Apollo d’Adrässe vomne Camp-Dokter becho. Dert aacho, isch de dä Wärkstatt-Vätu mau usecho zum luege was üsem Chäri fählt. Mir heiss ihm erklärt, sini Antwort isch im gröschte AussieSlang „nää, i dont do this shit…“ är göng öper ga hole wo das eventuell machi. Si Kolleg het de da mau afah flicke u schrube, het aber no sini „Wärkstatt“ müesse ga hole. Är isch mit sire Wärkstatt häregfahre u het witer  gschrüblet.. Öpe nachere Stung isch die Sach geflickt gsi u mir hei üsi Reis wieder chönne fortsetze.

 

That’s the way❤️🇦🇺IMG_3249

IMG_1855

In Port Lincoln aacho simmer gmüetlech ga Zmittag ässe u wiedermau z’Natel aalah. Ufem Campingplatz chli ufgruumt u gwöschet und dr Strand  gnosse.

Am Sunntigmorge isches de ufem Schiff losgange is nächschte Abentür🦈 Scho bim usefahre hei üs viel Delfine begleitet und uf de Insle dusse im Meer heimer mängge Seehund gseh. Doch die wiesse Haie hei nid wöue fürecho. Doch es isch glich es megagenials Erläbnis gsi. Mir si gliich i Chäfig ga touche u hei viel angeri Fische gseh und ufem Rückwäg si ou Delfine wieder ums Schiff gschwumme🐬

 

IMG_1414IMG_1547IMG_1736