Monat: Februar 2017

Am Morge heimer nochli bewölkt gha, drum isches agnähm gsi zum fahre u die verschiednige wunderschöne Beaches ga z’luege. Üse Plan: nochli umgefahre u Gägend aaluege und üs de am nächschte Tag (bi 44Grad) chli in Ceduna stillha u d’Wärmi gniesse – ämu ig💕☀️

Wär weiss was das für gälbi Blüemli si bide Murphy’s Haystacks? 😁 Mir hei die scho vorher immer wieder gseh, u mi hetz ab & zue dünkt es schmöcki nach Salat..🤣

Murphy’s Haystacks sie Granitfelse wo über 1,5 Milliarde Jahr alt geschätzt wärde. Gseht lustig us – paar Felse ufemne Fäld u rundum eifach nüd.    Streaky Bay isch dr einzig Ort ar Weschtküschte vo Eyre Peninsula wo es richtigs Stadtzentrum mit Läde het. Rundum hetz vieli Getreidefarme und Fischereibetriebe wo froh si um das – süsch müesste sie paar 100km nach Port Lincoln oder Ceduna fahre.                      Perlubie Beach isch ä Strand u glichzitig ou ä wild Campsite  – eifach ä Troum! Wiesse Sand, ändlose Strand, Schattedecher, keiner Lüt, Toilette…alles wome zum Campe bruucht. Z’Dörfli sälber gitz äue nonid  lang..überall chame Land oder  Hüsli choufe u Grössi vom Dorf isch no sehr überschoubar.              Im Lotto gewinne wär iz ke Seich 😍🇦🇺

In Ceduna heimer bereits scho rächt heiss gha u si drum gärn is Foodland chli ga Klimaalag gniesse, glüschtele wases alles so git u iichoufe – so heimer am Aabe sones richtigs feines Barbie chönne mache 🍖🥗🍺

Vom Camp-Dokter us ab uf d’Strass ar Küschte nah ga die angeri Site vo Eyre Peninsula ga aaluege.

 

In Port Lincoln isch bi üs z’Stromkabu ufzmau nümm gange, drum heimer am Mäntigmorge vo Apollo d’Adrässe vomne Camp-Dokter becho. Dert aacho, isch de dä Wärkstatt-Vätu mau usecho zum luege was üsem Chäri fählt. Mir heiss ihm erklärt, sini Antwort isch im gröschte AussieSlang „nää, i dont do this shit…“ är göng öper ga hole wo das eventuell machi. Si Kolleg het de da mau afah flicke u schrube, het aber no sini „Wärkstatt“ müesse ga hole. Är isch mit sire Wärkstatt häregfahre u het witer  gschrüblet.. Öpe nachere Stung isch die Sach geflickt gsi u mir hei üsi Reis wieder chönne fortsetze.

 

That’s the way❤️🇦🇺IMG_3249

IMG_1855

In Port Lincoln aacho simmer gmüetlech ga Zmittag ässe u wiedermau z’Natel aalah. Ufem Campingplatz chli ufgruumt u gwöschet und dr Strand  gnosse.

Am Sunntigmorge isches de ufem Schiff losgange is nächschte Abentür🦈 Scho bim usefahre hei üs viel Delfine begleitet und uf de Insle dusse im Meer heimer mängge Seehund gseh. Doch die wiesse Haie hei nid wöue fürecho. Doch es isch glich es megagenials Erläbnis gsi. Mir si gliich i Chäfig ga touche u hei viel angeri Fische gseh und ufem Rückwäg si ou Delfine wieder ums Schiff gschwumme🐬

 

IMG_1414IMG_1547IMG_1736

Nachdäm schöne Flug übere Lake Eyre isches de für üs ufem  Oodnadatta Track richtig Marree witergange. Hie heimer de ouchli mit dr Drohne chönne üebe u paar Filmlis vor Landschaft mache.

Ungerwägs heimer mänggs Echsli und sogar z’Glück gha ändlech ä Schlange z’gseh! Mir hei üs de entschlosse, dassmer nid bis Marree fahre, sondern die Strecki verchürze u dr Abzwieger nach Roxby Downs uf Port Augusta nähme. Die Strecki het üs de chli meh Abwächslig u Action gäh😁 Wieder bide Bilder schön chöit gseh, git ä chliini „Glungge“ uf däm Wäg scho Action – womer de ou mau üse vierlivier so richtig hei chönne iirichte  u bruche. Nach 2 Tag dirtroad heimer de in Roxby Downs wieder Teer unger d Räder becho..😔

In Port Augusta heimer übernachtet u am nächschte Tag isches witer ar Küschte nah richtig Port Lincoln gange.

Nacheme Breakie-Stopp  (yammie Vegemite-Roll und früsche Poulet) in Whyalla – mit schöner gesanglicher Magpie-Begleitig❤️ heimer de die viele wunderschöne Stränd uf dr Oschtsite vo Eyre Peninsula abgfahre. Bilder säge gloub gnue – da muessi nümm viel drzue schriebe..oder!? Mängge Strand isch o grad zum wild-Campe iigrichtet drum trifftme dert ab & zue  Aussies wo sälber chli am reisle si oder eifach zum Fische paar Stung dert verwile. Lovely 🇦🇺Life!

Am früeche Aabe simmer de in Tumby Bay aacho und gmüetlech köcherlet u dr Aabe gnosse.

Da mir dr Ballon-Flug in Melbourne nid hei chönne mache, het dr Beat d’Idee gha übere Lake Eyre z’flüge. Das isch im Momänt ä wunderschöne Aablick, da är eigets Wasser (vom viele Räge) het. Süsch ischer ä uströchnete Salzsee, oder het Wasser unterirdisch us Queensland. Dr Nik -üse Pilot- het üs verzeut, dass dr Lake Eyre no vor eire Wuche ke Tropf Wasser het gha. Iz chamesech nomau meh vorstelle, wie viel Räge dasses die letschte Wuche gä het. Drum sie ja ou vieli Strasse zue & National Pärk nid zuegänglech (Kings Canyon, MacDonnell Ranges, Oodnadatta Track vo Marla us, etc.)

Ig ha scho gwüsst, dass dr Lake Eyre sehr gross isch – aber us dr Luft bechunntme nograd mau es anders Bild vor Grössi. Lovely! U dür das, dassmer am Morge früeh gfloge si, isches vom Liecht här nomau viel schöner.

Ig bi geschter vo öberem womer ungerwägs hei lernekenne gfragt worde, wasmer bis iz uf dere Reis am beschte het gfaue.

Dadruf hani nume 1 Antwort – z’ganze Päckli womer am 6.Dezämber 2016 vo euch liebe Lüt isch übergäh worde! Jedi Sekunde uf dere Reis isch öpis speziells wöus vo EUCH chunnt❤️ u ig das eifach so darf erläbe u gniesse. Bi sooooo dankbar für das Gschänk wo dir mir gmacht heit- ig chas garnid i Wort fasse, wie glücklech ig drmit bi!!! Drum isch dä Itrag hie nume für euch, mi Schatz ❤️a mire Site,mini liebi Familie💕 u mini liebschte Fründe ❤️💕  DANKE tuuuusig für das super Erläbnis woni hie „daheim“🇦🇺 darf läbe!!

Google het üs gseit, dassmer für die 176km vo Coober Pedy nach Williams Creek 7 Std. heige- z’Navi het üs 16 Std. aagäh 😂  Drum heimer üs de o mau bi Zyte ufe Wäg gmacht richtig Williams Creek womer de ou wete übernachte- nach däm läääänge Wäg. Wobi ig z’Gfüehl ha gha, dasi vor 6 Jahr uf däm Wäg nie soviel Zyt bruucht ha. Aber mä wird ja älter u vergisst ja ab&zue 😁 drum lieber gnueg Zyt iirächne!

Also ig wär uf dere Strecki am liebschte usgstiege u gloffe – eifach wuuuuuuunderschön die verschiednige Landschafte. 😍 Lovely!!

Nach guete u gmüetleche 3,5 Stung (MIT unzählige Fotostopps☺️) simmer in Williams Creek aacho u hei de dr Nami bi gfüehlte 50 Grad (yessss!!!) ufem Camping verbracht… mir si nid witer WÖU mir am nächschte Morge vo dert us ä Flug übere Lake Eyre buechet hei – als Ersatz füre Ballonflug in Melbourne. Näbscht dene heisse Temperature- wär scho mau down unda isch gsi, weiss vo was ig rede- heimer de ouno paar Flöige gha, aber wie seitme so schön „no worries, mate“ 🇦🇺