www.tahari.ch

…schon noch schön, weme  Qantas Flugis gseht u weiss mä cha glii sälber istiege 😊 u de ersch no nach Perth!

Dr Elisabeth Quai erkenntme fasch nümme- statt äre grosse Raseflächi isch dert ize ä wunderschöni Begägnigszone mit Käffelis, Spielplätz, Lädelis, etc. Es wärde deno 2Blöck mit Luxuswohnige häregstellt (wobi ig dert z’Gfüehl ha, dass die nid häre passe). Mir wärdes gseh. Städtli sälber isch gengno wuuunderschön- ha gmerkt dassi gar keni Fotos drvo gmacht ha😌 Liefere die deno nache 🎉mir gö ja noeis dert häre zrügg😍

Bevor mir ä spannende Match vom Nadal gäge Monfils hei chönne gseh, simer nochli dusse drsume gloffe. Hei d’Frou Hingis bim cool-down chönne beobachte, dr Herr Zverev bim Interview zueglost und es FroueSpiel chönne gseh.

Der dass üse Sunneufgang-Ballonflug wäge zviel Wind isch abgseit worde, heimer meh Zyt gha, d’City angers z’erkunde…

..bim Zmorge nomau richtig „tschegget“ dasi in Oustralie bi 🌏

Ussicht währendemne feine Zmorge gnosse & hinger üs Aussies mitem schönschte aussie-Slang zueglost ☺️

Willkommens-Schämpis gschlürfet und i Gedanke am Roger Federer (wo zu deren Zyt grad gspielt het) viu Glück gwünscht ➡️ Ussicht bim Bett diräkt zum Spiel übere 🎾

Nacheme feine Aussie Beef-Pie undemne churze Spaziergang dür Melbourne, paar Medis iigno damit i zmingscht dür eis Naseloch chli Luft bechumme – Good Night 🌙✨

 

In Melbourne aacho, zerschmau das super schöne Hotelzimmer  besichtiget und die tolli Ussicht bestuunet.

…umso nächer Oustralie isch cho, umso chribliger bini worde – Beat het zum Glück herrlech bim Sitz vorne pfuuset (ab Abu Dhabi simer im A380 Flugi gsi u somit nümm Sitze näbenang gha- geschickt eigefädelt Herr Etter, so heter sini Rueh u in cha gliich chribelig tue😂)

Überhalb Geraldton (in WA) heter innezoge 😍  Pinnacles, Pink Lake vo Esperance, Great Ocean Road, Otway Nt.Park – all die schöne Sache hetme näbscht de angere schöne Landschafte & Farbe chönne gseh, lovely!!!

 

 

…es geit los richtig Flughafe, chunntmer gengno vor wiene Troum – in cha doch nid eifach so uf Oustralie u  cha soviel erläbe!? Woni de dä Chläber mitem Pass wider ha zrügg becho und d’Frou am Check-In seit „dir flüget de Winter nach Melbourne“ hetz Klick gemacht 😍 Ig darf nach Oustralie!! …überall hetz wieder afah chriebele ❤️

Danke dass so viele an Tanja gedacht haben und ihr so einen der grössten wünsche erfüllen konnten. DANKE

Morgen geht es auf nach Down Under… Die Freude bei Tanja ist riesig. Nun bleibt nur noch die Übergabe der Webseite und dann wird sie hier bestimmt über die Erlebnisse berichten. Also, schaut doch ab und zu vorbei auf tahari.ch

Grüsse Beat

Liebe Familie, Freunde und Bekannte  von Tanja

Bald feiert sie ihren 40. Geburtstag, dass ist ein Grund zum Feiern. Ein Fest hat sie schon in Planung… Save the Date Einladungen sollten folgen.

Gerne würde ich Tanja mit eurer Hilfe so richtig überraschen, aber alles noch STRENG GEHEIM. Sie träumt davon, einmal ihren Geburtstag in Down Under zu erleben… gemeinsam können wir das ermöglichen und wer will kann Tanja dabei unterstützen.

Dafür habe ich euch ein paar Geschenkmöglichkeiten in einem Online-Shop zusammen gestellt. Ich hoffe ihr findet etwas. Wer weitere Ideen hat, bitte melden. Wäre super wenn wir Tanja ein tolles Erlebnis ermöglichen könnten. Wichtig: es handelt sich hier nur um Anteile für Tanja 😉

Shop